ROKAN HULU (RIAUPOS.CO)- Iko lah posan atau yang dikatokan oleh almarhum Tuan Guru Syekh Hasyim Al Sarwani yang merupakan Tuan Guru Besilam kopado rombongan panitia pelaksana peringatan Hari Kelahiran Tuan Guru Syekh Abdul Wahab Rokan Al Kholidi Naqsabandi Se Asia Tenggara Taun 2013 lalu.
Ilang dicai tokolamun dikokeh, domikian adat awak moingekkan, hal iko disampaikan Ismail Datuk Podano Montoi Luhak Kepenuhan, Ahad (23/10) yang pado kotu taun 2013 tu sobagai Ketua Umum panitia dan pimpinan rombongan bojumpo untuk bosilaturrahmi socao adab kosulukan dengan Tuan Guru Alm Syekh Hasyim Al Sarwani di Besilam Langkat Sumatera Utara.
Kotu taun 2013 ko, olun bisa dilaksanakan Suluk, dek umah suluk di Desa Rantau Binuang Sakti ko olun lai, padahal di APBD Kabupaten Rokan Hulu (Rohul) Tahun 2012 olah di tukua palu tu sebanyak Rp2 milyar untuk momuek umah Suluk di RBS mengadakan posiaoan acara taun 2013 tu so Asia tenggara. Ntah apo ponyampuk nyo, ino jadi dikojokan umah Suluk kotu itu tanpa lai keterangan lai Pemkab Rohul.
"Alhamdulillah Wasyukurillah, Taun iko (2022) moupukan taun ko 211 atau taun ko ompek dilaksanakannyo peringatan hari kelahiran Tuan Guru Syeikh Abdul Wahab Rokan atau kinin ko lah boubah monyadi maulid di tanah kelahiran nyo di Rantau Binuang Sakti," kato sang Datuk.
Insya Allah, puncak acara Maulid Tuan Guru 2022 ko akan dilaksanakan pado ai Senin (14/11) atau 19 Rabiul Akhir 1444 H, sobolum ai puncak acaranyo ko akan dilaksanakan dulu Suluk 10 ai di Madrasyah Suluk yang diboi namo Madrasyah Suluk Syeikh Abdul Wahab Rokan Rantau Binuang Sakti yakni 4-14 November mendatang.
"Bosyukur kopado Allah SWT dan botimo kasih kopada Pemkab Rohul dan seluruh elemen yang terkait, semenjak 2019 moupukan taun potamo dilaksanakan Maulid Tuan Guru sampai taun 2022 ko yang moupokan taun koompek polaksanaan. Alhamdulillah monapek pohatian dan dukungan lai Pemkab Rohul, ditamah pulo lokasi iko olah monyadi lokasi kawasan wisata religi di Negeri Seribu Suluk," sobuiknyo.
Madrasyah Suluk Syeikh Abdul Wahan Rokan ko, di buek taun 2018 lai dana APBD Kabupaten Rohul, dan In sha Allah di taun Anggaran 2023 akan datang bangunan yang olun solosai solama empat taun ko akan di solosaikan sohingo bisa socao sempurna di fungsikan sosuai kogunoannyo.
Olah soharusnyo Pemkab Rohul ko, sorius monyolosaikan bangunan utamo dan bangunan pondukung lai Madrasyah Suluk ko model umah jamaah apak-apak dan omak- omak, kamar mandi, WC dan penerangan dah tu Insfrastruktur jalan dan jembatan dek agenda maulid ko, ino awak lai Negeri Seribu Suluk ko yang akan bosuluk dan datang, tapi para jamaah thariqat Naqsabandi lai dalam dan lua nogoi ko akan datang ko tanah kokahiran tuan guru ko.(epp)
