BANGKINANG (RIAUPOS.CO) - La sibuk cito di kodai kopi di Bangkinang isu akan baganti sekda, kadis di lingkungan Pemkab Kampar.
''Kalau jabatan sekda la sampai limo tahun tanggal 29 September 2022. Dek la sampai limo tahun ko mungkin akan evaluasi ataupun akan digonti,'' nye Ocu Andri seorang mahasiswa warga Bangkinang, Selasa (27/9).
Kato Ocu Andri, dak isu sekda ajo da jo kadis-kadis banyak yang akan pensiun. Tapi awak teghok sampai kini olun ada asesmen untuk pejabat-pejabat tu le.
''Mungkin ajo Plt akan ditunjuk untuk copek mengevaluasinyo. Kar eno itu, awak teghok manjolang akhir tahun ko. Banyak isu di kalangan pejabat akan bolek godhang,'' nye Ocu Andri.
Manuik Ocu Andri, awak sorahkan ka Pj Bupati Kampar untuk mengevaluasi kinerja pejabat Kampar ko. Supayo apo yang menjadi target kinerja dari Pj Bupati ko tercapai.
''Kalau yang patuik dievaluasi untuk mendukung kinerja Pj Bupati awak dukung. Supayo pembangunan di Kampar totap bakalan. Siapo yang akan dievaluasi ko, awak tunggu ajo bolek godhang ko,'' nye Ocu Andri.(kom)
