TELUKKUANTAN (RIAUPOS.CO) -- Ondeh. La sabak lo ayiar. La tarondam lo ladang masyarakat Kuansing. Tautamo ladang masyarakat nen barado di lembang-lembang ulak go. Ontah la nye. Ntah lai ken bisa batanam, ntah indak le go.
"La tujuah kali batanam. Tujuah kali lo tarondam. Ntah ken baapo tahun ko go," je Nimat (65), rang Pulau Rengas Pangean kek Riau Pos, Kamis (20/2).
Jenyo. Padi nen ditanam tarondam. Samantaro sumayan la nak habi. “Apo nen ken kami tanam sudah ko go le. Sumayan ndak lo ado le ro. Kok ado, itu tak cukuik le ro,” baitu je Nimat.
Apo nen dirason dek Nimat. Itu juo nen dirason dek Saiful, rang Tanjung Simandolak Benai. Ladangnyo yang ado di balakang rumah, la habi tarondam. La lobiah tigo ari ma.
"Tarondam lo liak jang. La gilo itu jo lei. Ntah lai ken ado boniah ditanam le go. La manjang jo nayiak ayiar go," je Saiful. Batanyoan kek Kapalo Desa Tanjung Simandolak, Osai. Jenyo, iyo banyak tarondam ladang rang kampuangnyo. Diakui deknyo, la tigo ari ladang di Tanjung tarondam ma.
"Ola. Tarondam lo liak. Gilo itu jo kito lei. Kalau tak jo bisa batanam tahun ko. Yo la jole masuak ompek tahun, kami tak bisa panen ma. La ken torui boli bore kami ma," jenyo.(jps)
