TELUAKKUANTAN (RIAUPOS.CO) - Babeda rasonyo rayo tahun ko. Terutamo bagi dunsanak nan di rantau. Disuruenyo baliak, godang risikonyo. Dak bulienyo baliak, raso dak rayo. Sobab, salamo ko, rayo mako taraso dek banyak rang rantau baliak kampuang.
Kini, sejak beredar virus corona, banyak rang rantau lah manyatokan sikap ka keluarga di kampuang bahwaso dak kan baliak do. Baitu kato Sri Mulyati salah sorang rang Hulu Kuantan kotu mangecek dengan Riau Pos, Salasa (28/4).
“Dak ado lomak a rayo kalau dak ado rang rantau baliak de. Ntuak apo mambuek kue. Awak mambuek kue ntuak keluarga nan di rantau nyie. Ontalah, pokok a, kalau rang rantau dak baliak, dak seru rayo de,” jie Sri Mulyati.
Awak kini kamari bedo jie, kato Sri, kok dipasoan jie rang rantau baliak, takuik lo wak kok menyebar virus corona de. Jalan satu-satunyo, yo nuruik anjuran pamatentah nyie. Atau, baliak patongahan puaso, sudah tu jan bulie kaluwea salamo 14 hari.
“Masuak ODP ma. Lah 14 hari di kuruang di rumah, baru bulie babawue dengan rang rami. Artinyo, pas duo hari kan rayo, rang rantau lah aman kaluae rumah ma,” kato Sri.
Alasan rang kampuang takuik dek sobab Pokanbaru lah dinyatokan masuak dalam garis merah penyebaran virus corona. Sedangkan parantau Kuansing paliang banyak tu barado di Pokanbaru.
“Itu nan kamari bedo. Dak baliak rang rantau, inyo tu dokek nyie. Kini ba apo kan elok jie lah. Kalau dipasokan baliak, lah jole rang kampuang agak takuik-takuik manarimo ma. Akhirnyo salisie faham bisuak. Tambah godang masalahnyo,” kato Sri.(yas/jps)
