TELUKKUANTAN (RIAUPOS.CO) - Sajak sabulan balakangan, harogo joriang di Kabupaten Kuansing tenggi. Harogo iko dipicu dek joriang mulai ilang di pasar-pasar tradisional.
Manuruik salah sorang ibu di Telukkuantan banamo Nurbaiti kotu maota dengan Riau Pos, Kamis (22/9) manyobuik, mahalnyo harogo dek musim joriang olah habi. Kalau joriang idak musim, harogo bisa saribu sabuah.
"Kini, harogo joriang nan pakai kulik sakilo bisa mancapai 25 ribu. Paliang murah 15 ribu. Kalau nan bakubak, lobiah mahal perkilonyo. Kalau taun lalu, pernah saribu harogonyo sabuah," kecek Nurbaiti.
Untuak maayarakat Kuansing, joriang merupoan makanan nan banyak disukoi. Sobab, salamo iko, kalau musim joriang, ampia satiok rumah ado batang joriang. Sahinggo, kalau urang kampuang tadosak dak ado panasi, tinggal ma ambiak joriang ka balakang rumah.
"Iyo. Kalau kami di kampuang, sakali sapokan wajib masak joriang. Biaso kami gulai dengan pucuak ubi. Kalau untuak sambal, biaso kami campuar dengan ikan asin. Jarang urang kampuang nan dak nondak joriang nyo,"kecek Nurbaiti.
Bahkan, kato Nurbaiti, kalau ado mandoa, gulai joriang lobiah copek abi dari pado gulai ayam. "Iko mungkin dek kebiasaan urang kampuang mamakan joriang ampia satiok ari," kecek Nurbaiti.(yas)
