BANGKINANG (RIAUPOS.CO) - Musim hujan la dokek kini. Malah kek kampuong awak kini ko ampi tiok aghi basuo jo hojan, ndak siang ndak malah, tuwun jo towui ayu dai langik dek. Ndak saketek lobek gai do. Ko manjadi patando musim ujan la dokek bonau jo kampuog awak, la November kini ma. Iko pulo nan manjadi perhatian Sekretaris Daerah (Sekda) Kampar, Datuok Bandaro Mudo kito, Datuok Yusri.
Datuok Yusri nan kini sedang baduko dek Omak Kanduongnya kembali ke sisi Allah, maambiok aghi libur, mambuek acara doa di uma Omaknyo kek Muara Uwai. Tapi urusan negara ndak bisa lope dai Inyo. Alumni IPDN ko tetap melayani masyarakat dan ikut mamikiekan nosik awak kan dokek musim ujan ko. Datuok berharap hujan taun ko ndak lobek. Lobekpun ujan, jan sampai banjir ndaknyo.
Kok buok lo nosik awak taun ko, banjir lo kampuong, kok dapek mintak ka Tuhan jan dalam bonau banjir. Dek apo gitu, nye Datuok Yusri, dek bantuan untuk masyarakat kok bilo tibo banjir, la manipis. Banyak bantuan boghe dai pemerintah la banyak dibogiin ka masyarakat selamo pandemi Corona ko.
‘’Itu tio ambo maminta, mo awak bado’a basamo, jan la sampai anjar ondaknyo. Ibo masyarakat awak kok kono banjir towui tiok taun. Tapi nosik Allah yang maatur, tu tio awak bado’a towui. Jan sampai banjir, kok banjir paya awak,’’ nye Datuok.
Datuok Yusri tetap memantak kepado masyarakat untuok basiap menghadapi kemungkinan paling buwok tajadi kek kampuong awak Kampar ko. Kok tajadi jo banjir, Datuok maimbau kepada uwang-uwang kayo, paantau sukses di kota, baliok la kampuong. Tengok sanak awak. Bo boghe makanan jo pakaian.
‘’Pokoknyo, apopun nan tajadi di kampuong awak ko, awak harus kompak. Bauitu juo bakal calon Bupati nan kini ambo tengok la mulai muncul ciek-ciek. Mako kok ndak elok nosik awak bisuok, bakal calon Bupati ko tuwun la ka tonga masyarakat. Bantu masyarakat jo uwang kampuong awak. Cuma kini ambo agak ragu, sociek pun ndak ado baliho nampak bau. Yo kok indakpun, kok tapasang baliho du, saindak-indaknya manyumbang ka daerah dalam bontuok rentribusi, kan? Nah, ambo tunggu bakal calon Bupati ko sisi,’’ nye Datuok Yusri.(end)
