PASIRPENGARAIAN (RIAUPOS.CO) - Sai Senin potang, topek nyo potang ai tanggal 12 September 2022, dilaksanakanlah rapat paripurna di Gedung DPRD Kabupaten Rokan Hulu (Rohul) dalam rangka ponyampaian Rancangan Kebijakan Umum Anggaran (KUA) dan Prioritas Platfon Anggaran Sementara (PPAS) Perubahan Tahun Anggaran 2022.
Elok nyo pombahasan iko nak ligak dan copek momahas nyo ko, dek masyarakat dan rakyat awak kinin ko sodang mombutuhkan sentuhan dan kehadiran bantuan pemerintah dalam bontuk program dan kegiatan yang produktif.
Wak pohatikan pulo dalam ponyampaian KUA-PPAS Perubahan Tahun 2022 yang disampaikan dan soahkan Sekda Rohul Muhammad Zaki STTP MSi ko pimpinam DPRD, lai ponambahan nampaknyo di dalam Rancangan KUA-PPAS Perubahan tahun 2022 ko.
Sogodang atau sobanyak Rp319.024.269.754 atau naik 23.38 persen lai total APBD Murni Rohul taun 2022 ko Rp 1.279. 762.188.843. Kalau di jumlahkan kosadonyo, diasumsikan monyadi Rp1.598.786.458.957 pada APBD Perubahan Tahun 2022 kato Ismail Gelar Datuk Podano Montoi Luhak Kepenuhan, Selasa (13/9).
Ilang dicai, tokolamun dikokeh kato bida adat awak di Negeri Seribu Suluk, jadi dek iko olah disoahkan pemerintah kopado dewan awak, boarti dewan ko akan mombahasnyo sosuai dengan fungsi nyo pulo yaitu fungsi anggaran, fungsi legislasi dan fungsi pengawasan.
Di mano saat iko kondisi masyarakat dan rakyat awak sodang mongalami kosusahan yang inok pokosudahan, potamo olun solosai etong pandemi Covid- 19 ko, lah tibo pulo yang koduo yaitu naik nyo sogalo jenis minyak yang mongakibatkan naik nyo sogalo ogo bahan kebutuhan, botimpo timpo etong soik iduik ko.
Mako dalam hal pombahasan ko, lanjut Anggota DPRD Kabupaten Rohul Periode 2004-2009 dan periode 2009-2014, lai boapo pomikian dan masukan lai masyarakat ko tohadok pombahasan yang sodang dilakukan oleh dewan wak kinin ko, sosuai dengan bida tadin.
Yaitu, potamo, bueklah program dan kegiatan yang dapek momangkikkan pondapan masyarakat yang disesuaikan dengan kondisi kinin ko. Koduo, bueklah program dan kegiatan pemberdayaan dan produktif dalam monamah pondapatan masyarakat. Kotigo, bueklah program dan kegiatan sosialisasi dan pendampingan UMKM sobagai bontuk dan wujud kemandirian masyarakat dan rakyat awak.
Koompek, bueklah program dan kegiatan monumbuhkomangkan seni budaya dan adat istiadat serta sosial kemasyarakatan sobagai jati diri dan marwah.
Namun domikian, kami yakin dan pocayo kopado dewan awak ko untuk bisa lobih elok dio nyo momuek, momahas program dan kegiatan prioritas yang dapek diwujudkan dan direalisasikan untuk moningkat produktifitas usaho dan ponambahan ponghasilan monuju komandirian masyarakat dan Rakyat awak. Kininlah saat nyo, Inok awak siapole, sobuik Ismail Hamkaz, Alumni Magister Administrasi Publik (MAP) UGM Jurusan Kebjakan Publik ko.(epp)
