TELUKKUANTAN (RIAUPOS.CO) - Salosai iven pacu jaluar nasional, kini olah tibo pulo musim pacu jaluar miniatur. Idak tangguang-tangguang, hadiahnyo duo ikuar kambiang.
Maklum, peserta pacu jaluar miniatur itu mancapai 2.500 jaluar. Panjang jaluar sampai 4 meter. Lebarnyo sekitar 5 cm. Arenanyo bamacam-macam, mulai dari topi sawah, sampai tompek ayiar sungai kenek. Bahkan, arenanyo bisa dibuek sorang. Nan pontiang ayiarnyo mangalir.
Manuruik salah sorang peserta banamo Rino Riyanto kotu maota dengan Riau Pos, Ahad (18/9) manyobuik, candu pacu jaluar miniatur iko beda. Apolagi pesertanyo seluruh Kuansing.
''Ado juo nan pakai pawang. Sobab hadiahnyo godang. Kalau salamo iko, hadiah nan paliang godang kambiang ma. Wajar ajo, setiok jaluar miniatur nan soto, mambayar 10 ribu. Kalau pesertanyo 2.000, tontulah puluan juta juo,'' kecek Rino.
Kalau taun dulu, ado hadiahnyo motor bagai. Memang kato Rino, kalau untuak operasional, godang juo. Peserta idak bisa semena-mena mambao jaluar miniatur tu dengan onda. Apolagi jarak lokasi jawuah dari kampuang.
''Awak ba arok ka Pemkab, pacu jaluar miniatur ko dimasuakan dalam agenda pariwisata Kuansing. Sobab, antusias masyarakat tinggi. Koni, ampia tiok kecamatan ma adoan pacu jaluar miniatur,''kecek Rino.(yas)
