TELUKKUANTAN (RIAUPOS.CO) - Sajak sabulan nan lalu, harogo gota di Kuansing mulai nanyiak. Ado nan manjual lobiah dari 11 ribu, walaupun malalui lelang kabupaten. Kalau malalui toke di kampuang, ado nan manjual diate Rp8.000.
Kini, ado kendala baru nan dirasoan dek rang kampuang nan kojonyo panakiak. Kotu rogo gota lah mulai mahal, tibo musim pangujan. Akhir a, dak jia dapek manakiak de.
“Kan mangapo wak dengan gota mahal, tapi dak bisa nakik. Kok miliah-miliah, bialah murah asal hari sirai. Kalau lah mudim ujan ge, yo nol mato pancarian ma,” kato salah sorang rang Kuantan Mudiak banamo Dinat.
Dinat awalnyo lah mulai goduak dek harogo gota torui nanyiak. Tapi, sajak musim pangujan kini, Dinat tapaso mancari lokak an baru dengan manjual karambia ka pasa-pasa.
“Lah ba niat ambo kan mambeki sosok lamo nan di Hulu Kuantan potang ma. Tapi dek hari pangujan kini, baundur jadi a. Rencana kan batakiak sagalo kobun-kobun lamo du. Tu lah, baitu lo jalan a. Rogo gota nanyiak, hari pangujan,” kosal Dinat.
Kini, tambah Dinat, kalau rang nan lai ba sawah, lai kan tatolong dek nyo nye. Sobab, dalam bulan kini, lah tibo musim manyabik padi. “Yo, menimal lai dak poning nyari piti pamboli bore lai de,” jia Dinat.(yas)
