TELUKKUANTAN (RIAUPOS.CO) - Kini mulai agak mencekam. Terutamo urang Kecamatan Kuantan Mudik. Sajak sapokan ko ge, agak hiruak dek masalah Corona. Lah lobie 200 urang nan ba swab.
Sapokan lakangan ge, lah ompek urang nan dinyatoan positif dek tim gugus tugas Kuansing. Ka ompek pasien urang nan positif de rupo a rang Kuantan Mudik.
“Iyo. Sakaluarga nyo ma. Kini urang-urang nan pernah kontak dengan pasien positif lah di swab. Kalau di etong sajak sapokan lalu, lah lobie 200 urang nan di swab. Awak badoa supayo hasil a negatif sagalo a,” kato Kepalo Puskesmas Lubuk Jambi Masni ka wartawan.
Masni maimbau, sagalo urang nan basingguangan dengan urang nan postif du, diminta supayo malapor ka kami. Tunjuanyo ntuak mamastikan apokah awak ge tatular atau idak.
“Kami maimbau kapado urang Kuantan Mudiak supayo jan bakumpue-kumpue amek. Kalau dak kan parolu kaluwea, ancak duma jia. Baitu caro awak manyayangi keluarga,” kakto Masni.
Sado urang nan olah ba swab tigo hari lakang, tambah Masni, sedang manunggu hasilnyo. Inyo ba arok dak ado panambahan kasus lai do. “Badoa wak samo-samo. Lah ponek wak dek urusan iko ge rak,” kato Masni.(yas)
