TELUKKUANTAN (RIAUPOS.CO) - Ampie tiok malam ado jie urang manganyie. Mulai dari level tapian nan di kampuang, sampai level tenggi manganyie di Kadoresan daerah paliang mudiak Kecamatan Hulu Kuantan.
Jan sobuik level bawah urang nan manganyie di tapian kampuang rak? Urang ko kodok le mandapek patin bagai nyie. Kadang manganyie sambie mandi jie dapek ikan pantin borek 10 Kg dek nyo.
“Ko dean lah mancubo manganyie di tapian de. Ulun abi duo batang rokok de, kanyie lah di gotu a dek nyo. Satu disentak an, rupo a ikan patin. Pas ditimbang, 10 Kg borek a. Dak payah kamudiak tan manganyie de, kato Aben panganyie asal Muaro Tombang.
Kini, Aben basamo kawan-kawan asiak manganyie di tapian jie lai. Salain irit biaya, badan dak le ponek amek de. Kalau ka Kadoresan tan, pompong nan kan di catar lai. “Yo lah kok lai dapek ikan, kok idak, ponek nan dapek,” jie Aben.
Tapi kalau panganyie nan biaso ka mudiak kuantan, banyak nan lai mandapek baliak. Kadang manyobuik 17 ikue bagai ma. Mulai dari ikan Ngongai, Bawuang, Beso sampai ka Patin.
“Kalau macam urang-urang dari Toluak tan, sampai malam nyo poi ma. Yo kodok dapek dek nyo. Apolagi pak bupati, ikan godang-godang jie kate dek nyo ma,” kato Yanto nan kodok ma antean rombongan pejabat.(yas)
