KUANTAN SINGINGI (RIAUPOS.CO) -- Musim gasiang lah mulai sejak sabulan tarakhir, dak omue kalah, induak-induak dari Desa Lubuk Ambacang, Kecamatan Hulu Kuantan, ikuik main gasiang, Senin (10/2).
Lucunyo, induak-induak yang mulai punyo cucu ge, lobie samangek daripado yg jantan. Buktinyo, hampie tiok potang induak-induak ko main gasiang disampiang uma salah sorang warga.
Manuruik salah sorang pemain gasiang, Ita wakotu maota dengan wartawan Riau Pos, Selasa (11/2), inyo dengan kawan-kawan main gasiang katiko lah salosai masak alat kadapue.
"Iko ge hiburan dek kami nyie. Kalau lah sudah karojo dapue, baru kami main gasiang. Dak kan mungkin kami tinggean karojo kami sabagai ibuk rumah tanggo de. Bongi lah laki kami nyie," ujar Ita.
Ita mangecek, kalau ntuak urusan main gasiang, inyo ngan kawan-kawan manyobuik lah dari ketek pandai. Cuma karono sejak baranak dan punyo cucuang ge, jarang main lai nyo.
"Dulu, pamainan jantan de kami cubo le nyie. Mulai dari pacu parahu, main gabak dan main kalereng lah bacubo. Apolagi main gasiang, bisa main sampiang uma nyie," kato Ita.(yas/jps)
