KUANTAN SINGINGI (RIAUPOS.CO) -- Tahun kini la ken tahun ka ompek patani gagal panen di Pangean ka ulak. Kapalo Desa Pulau Ronge Pangean, Lion Miskanto sangek arok tahun ko go padi bisa barasial. Bisa dipanen.
"Karono hampiar tiap tahun kito tak ado panen. Ado nen habi dek banjiar. Ado nen habi dek hama. Tigo tahun ko go la. Kito gagal. Kini kok gagal le, la ompek tahun gagal ma," je Lion kek Riau Pos, Selasa (4/2).
Walaupun la babarapo kali ayiar marondam padi patani. Tapik Lion basyukuar, urang kampuang lai tak patah sumangek untuak batanam ulang liak ro.
"Yo. Mudah-mudahan barasial la tahun ko go nak tido rak," je Lion.
Dek gagal torui salamo tigo tahun go, Lion mangaku, kini enyo dan rang kampuang la bi mamboli bore. Biaso kalau la panen, je Lion, itu bajokat biaso. "Dan itu bisa tahan untuak duo tahun. Kini apo ken diarok le. Batanam ru gagal. Bagi nen bisa batanam, tak barasial ro. Ampo padi ru," jenyo.
Apo nen disobuik dek Lion, memang itu yang dirason dek Sier, urang Pangean juo. Sier yang biaso bajokat baladang. Kini la mamboli bore. Ditambah kini urang kampuang cando tak kompak batanam padi ro.
"Ado nen la batanam. Ado nen olun. Iko dek ayiar sabak bilo. Karoni sebagian ado ladang nen tarondam, habi sumayan. Kalau co iko, yo omua lo gagal liak cando. Tapik mudah-mudahan ndak la rak," je Sier kek Riau Pos, Senin potang.(jps)
