TELUKKUANTAN (RIAUPOS.CO) - Lah duo pokan ko ge, Kuansing jarang ujan. Kalau dalam sabulan musim ujan, alamat kan koriang sumuar warga nuah. Jadi, dak masalah corona jia nan kan dipikian do, mancari tompek mandipun lah kan payah ma. Baitu kato salah sorang warga kanagorian Toluak banamo Rizal wakotu mangecek dengan Riau Pos, Rabu (1/7) di Kantin Bohay Toluakkuantan. Kecek Rizal, nan dicomean dek keluarga onyo kini, ayiar duma koriang ma.

“Kamano kami kan mandi jia bang. Uma kami sangek jawuah dari Kuantan. Tak mungkin kami mandi ka tatangga sabolah de rak. Ko lobiah lo bahayo dari corona lai nuah,” jia Rijal, come.

Kalau dulu, kato Rizal, banyak sungai tompek mandi. Poi jo ka arah Sungai Joriang dan Sinambek, lah bisa mandi nuah. Kalau kini, kok ado bonar sungai, koruah dek dompeng nuah.

Idak Rizal surang jia do, urang Hulu Kuantan banamo Ebit Nasrianto mangecek model tu lo. Kalau sumue lah koriang, alamat lah kan jarang mandi ma.

 “Tambah lo lai kini dak bulia mandi ka sungai dek pemerintah de. Kami ado duo sungai objek wisata di siko ma. Tapi kan mangapo. Dak bulie masuak do. Kok dilanggar, yo come lo kok tatular. Jadi, kami tapaso juo ikuik anjuran lai. Jalan satu-satunyo, ka Kuantan mandi lai,” kato Ebit.(yas)