KUANTAN SINGINGI (RIAUPOS.CO) -- Jalan buruak di kawasan Sawah Marabunta Pauh Angik Pangean. Ntah bilo ken elok. Torui jo jalan ko rusak. La baulang kami manyobuin kek pamarintah supayo jalan dibiki. Tapi ndak juo ro. Ntah bilo je.
Apolai kini sudah ayiar sabak. Jalan yang dulu ba aspal, kini la takiki dek arus ayiar. Sakiang parah, oto model sedan tak bisa lewat ro. Kok lewat yo langsuang takande jo bodi ka lubang jalan le.
"Kini go jalan ditimbun dengan tanah, tapi maungguak jonye. Tambah tak bisa la kami lalu situ. Yo locah jalan ru kini," je Noverman, salahseorang pemuda Pangean yang kodok lalu situ, Jumat (31/1) potang.
Jalan ko go jalan utamo dek rang Pangean. Kalau powai ka pasar, ka kobun, ka sikolah-sikolah. Masyarakat lewat siko. Tapi kini mancarari rue jalan nen elok jo payah kini ma.
"Ntah abek-abek lo batimbun dengan tanah. Yo, tambah tak bisa dilalui kini. Jangankan oto, Honda (sepeda motor) pun payah lewat. Ontah lanye," disosali dek Nover.
Ntah sampai bilo parosaian rang Pangean dengan jalan model ko go. "Dulu lumayan la elok. Kini, yo sangek tambah parah ma. Payah miliah nen elok," jenyo.
Kapalo Dusun Marabunta, Deka pun mangaku la ponek marorau supayo jalan Sawah ru dibiki. Tapi ndak juo dibiki ro. Tambah rusak jo. Padohal pajabat-pajabat awak siko lalu ma. Tapi tak paduli cando ro.
"Pernah kami tanam sawit siko. Pisang ado lo. Tapik ndak juo dibiki serius ro. Palingan timbung-timbun dengan tanahnye. La bitu takodiar jalan go mungkin. Tontu kami tarimo jonye," je Deka.(jps)
