TELUKKUANTAN (RIAUPOS.CO) - Ado kandala satiok acara rami-rami di Kuansing. Iko olah ontah barapo kali tajadi. Macam malam Ahad nan lalu. Pas acara Porprov, jaringan bamasalah. Samo dengan pas pacu jaluar.
Indak masyarakat Kuansing ajo nan kecewa wakotu malam pembukaan Porprov Riau X tu de. Kontingen dari kabupaten/kota lainyo juo kecewa. Sobab, wakotu itu komunikasi taek diparoluan.
Manuruik salah sorang warga Kuantan Tengah banamo Indra Kusuma kotu maota dengan Riau Pos, Ahad (13/11) manyobuik, kotu masyarakat parolu komunikasi malalui HP, sinyal dak ado.
“Harusnyo, iko manjadi palajaran dek pengelola jaringan seluler. Banyak urang nan kacewa dek jaringan dak elok. padahal, ola pangalaman dek urang jaringan. Satiok urang pacu jalur atau ado keramaian sinyal ilang,” kato Indra.
Indra mancaritoan, salamo pembukaan Porprov tadi malam, salamo itu jaringan rusak. Jaringan rusak itu idak ajo tajadi kapado palanggan Telkomsel ajo, jaringan kartu lain macam tu juo.
“Siko urang kodok tapisah dengan keluarga. Sabanyak itu umat, ba apo kan mancari keluarga. Makonyo parolu telponan untuak mananyo posisi,” katonyo.(yas)
