KUANTAN SINGINGI (RIAUPOS.CO) -- La manahun rogo gota ndak jo mahal-mahal ro. Sangek jauah di bawah rogo. Tak bisa ngapo-ngapo awak dek rogo gota onam ribu lobiah ru ro. Untuak boli saliter bore pun tak dapek dek ro. Yo la nosib tukang takiak rak.
"Tak salah dek ambo, rogo gota tak baranjak dari rogo onam ribu, tujuah ribu beberapo tahun ko go ro," je Sudi, tukang takiak gotah tinggal di Loge Tanah Darek, beberapo ari yang lalu.
Kalau kini rogo gotah di Loge, sakitar tujuah ribu sakilo. Rogo gotah sabitu ru, je Sudi, tak bisa mancukuik kabutuhan sari-sari ro. Mulai dari balanjo dapuar, balanjo anak sikolah. Sampai balanjo parolu lain. Sangek taraso kurang.
"Dek itu ambo manumpang pulo karojo lain. Kadang manukang. Kadang manobe kobun urang. Kalau manakiak diandannye, yo tak iduik ro," jenyo.
Sudi arok, rogo gota nayiak. Sampai rogo sapuluah ribu sakilo. Kalau sabitu rogo, Enyo yakin, bisa mancukuik kabutuhan iduk. "Kalau bisa yo sapuluah ribu la rogo gota ru," diarok Sudi.
Mako dek itu, anggota DPRD Kuansing Sastra Febriawan sejak dulu manyaran supayo masyarakat yang iduik di karet untuak mambontuak kalompok. Karono kalau bakalompok, je Isas, rogo gota bisa lobiah mahal dari jual surang-surang. "Karono kalau kelompok ado yang manampungnyo. Gota jadi mahal," jenyo.
Rogo gota go tak nayiak karena memang pengaruh pasar dunia. "Dulu tak banyak negara yang produsen gotah ro. Tigonye. Indonesia. Thailand dan Malaysia. Kini la banyak. Sementaro kebutuhan ngeneknya. Dek tu murah ma," dijolen dek Isas.(jps)
