TELUKKUANTAN (RIAUPOS.CO) - Olah malang nasib tukang takiak di Kuansing kini. Sudahlah harogo gotah murah, ditambah lo dek musim pangujan.
"Ba apo awak kan bapiti. Dak dapek manakiak dek hari pangujan de. Tambah lo dek hari macam ko. Sudah nakiak, hari ujan," kecek salah sorang tukang takiak asal Kuantan Mudik banamo Roslina kotu maota dengan Riau Pos, Senin (24/10).
Manuruik Roslina, supayo iduik tukang takiak agak elok, harogo gotah harus lobia tinggi dari dari harogo sakilo bore. Koni bore Rp10 ribu, sedangkan gorah jawua di bawah harogo bore.
"Patokannyo harus bore. Sobab, bore yang manjadi kebutuhan pokok awak. Kami nan karojo manakiak ge, minta harogo gotah tu diate Rp10 ribu perkilo. Baru setimpal," kecek Roslina.
Kini, kecek Roslina, nan marasoan payah iduik tu adolah tukang takiak. Apolagi masih banyak urang Kuansing nan manakiak kobun urang lain. Makin dak kan suo pitinyo.
"Dak heran awak do kalau kobun gotah nan ado di Kuansing ge kini lah banyak bajadian kobun sawit. Siko peran pemerintah harus mancari kebijakan untuak manyalamatkan masyarakat," kecek Roslina.
Kalau di Kuansing, kecek Roslina, masih banyak masyarakat nan bagantuang iduik dari usaho manakiak. Hanyo urang kayo-kayo nan tolok mambuek kobun sawit nye. Sobab, biaya mambuek kobun sawit di Kuansing masih mahal.
"Kalau babarapo daerah, masih ado kobun nan harus bapagar. Iko nan godang biaya. Kalau di daerah luar Kuansing, rato-rato mambuek kobun tinggal tanam. Idak parolu di pagar," kecek Roslina.(yas)
