TELUKKUANTAN (RIAUPOS.CO)- Sabonarnyo, masyarakat Kuansing diuntuangkan dek manjadi tuan rumah Porprov Riau. Salain untuang bagi atlet, masyarakat Kuansing juo untuang. Dek adonyo acara Porprov, ado ribuan urang akan datang dari luar. Kesempatan awak, terutamo padagang adolah dengan caro bajualan di lokasi acara.
Manuruik salah sorang warga Lubuk Jambi nan biaso badagang banamo Deswita kotu maota dengan Riau Pos, Selasa (1/10) manyobuik, inyo akan manjual makanan kampuang kotu Porprov bisuak.
"Iyo ado rencana nak mambuek makanan kampuang ma. Sobab, kalau bajualan makanan lain macam sate, miso dan lontong, urang olah banyak. Kini, mano nan dak kan ado urang jual itu, kito jual," kecek Deswita.
Deswita mangecek, inyo akan manjual makanan nan jarang urang manjual a, macam panukuik, kue sampiluang, lomang panggang dan kue guluang.
"Kalau kan basaing dengan urang, dak tolok dek wak de. Jualan urang ayam bumbu, sop tunjang. Kini, ba apo awak manayiak an makanan kas daerah awak ka urang lain. Bisa le dek inyo untuak ole-ole baliak kampuang," kecek Deswita.
Deswita ba arok ka pemerintah manyedioan tompek-tompek bajagal di satiok cabor nan kan dilombakan di Kuansing. Sahinggo bisa ta tata dengan elok. "Kalau idak, bisuak bisa-bisa urang barobuik tompek. Resikonyo, bacokak. Malu awak ka kabupaten lain," kecek Deswita.(yas)
