TOLUAKKUANTAN (RIAUPOS.CO) -- Ado nen sudah batanam. Ado nen olun. Tapi kini ladang la mulai nak koriang lo. La marongka lo tanah di ladang. Ntah lai ken selamat. Ntah indak go. Mudah-mudahan tahun tanam tahun ko selamat.
"Kalau kini kito tengok tanah ladang la kakoringan. La bi marongka tanah," je Ijon, urang Pulau Ingu Benai kek Riau Pos, Ahad (15/3) potang.
Kalau pun ado ayiar di ladang-ladang ru, itu kini hanyo lumpuar ajo le. Kalau pane jo babarapo ari go, itu ken koriang lo ma. Yo, taniayo baladang tahun ko cando liak. Padi tak ado ajo subuar ro.
"Tak omua bakombang padi nen ditanam ru ro. Itu dek faktor tanah la kakoringan. Tak ado ayiar boke makan le ro rak. Tapi, baapo le. Baitu lo kondisi ladang kini go," je Ermi, urang Sukapiang Pangean, di hari yang samo.
Sangek tanah ladang ru koriang kini. Padohal dulu, ladang ko cando lawik wakotu banjiar tibo ma. Tapi sonang lo koriang. Buktinyo kini, la langkang tanah ru. Kore bak batu.
"Ntah dek apo co itu kini. Mungkin faktor alam juo. Ujan sari jo tak nampak pangaruah kek tanah ladang ro. Suakkolamnyo kalau tibo pane, koriang lo liak," je Kapalo Desa Rawang Binjai Pangean, Sarwin, hari Ahad potang.
Masyarakat tanaman padinyo subuar. Dan bisa dipanen. Karono la tigo tahun go, buliah dikaton tak ado patani kito nen panen padi samparono.
"Bagi nen lai panen, banyak ampo. Tapi rato-rato, tak ado nen panen rang kampuang kito ro. Mudah-mudahan tahun kini bisa panen. Sobab, la boli bore galo kini kito go," je Sarwi, yang juga berasal dari petani padi.(jps)
