TELUKKUANTAN (RIAUPOS.CO) - Banyak jaluar baru taun ko. Nan paliang banyak barasal dari Kecamatan Kuantan Tengah. Kalau memang taun ko dak ado pacu jaluar, yo ibo ati masyarakat nan punyo jaluar baru ma.
Hengki, waga Tobek Panjang Desa Koto Taluk Kecamatan Kuantan Tengah mangecek dengan Riau Pos bahwaso dak sabar nak mamacukan jaluar baru do. Manuruik Henki, kini banyak jaluar baru dari kenegerian Toluak.
“Ibo ati. Jaluar baru, pamacu samangek bonar kini ma. Tapi ba apo lai, dek corona ge, tatahan candu pacu dek onyo. Kini ado lo jaluar baru nan ba biki di Rengat, dak sagak lo leju do,” jia Hengki, Kamis (14/5).
Dari pantauan Riau Pos, ado babarapo jaluar, bayiak nan babuek 2019 atau nan babuek 2020 akan berprestasi. Nan di Kuantan Tengah misal a, duo jaluar Saborang Toluak bisa manjadi ancaman jaluar lain ma.
Jaluar Desa Beringin nan baru babuek 2019, langsung peringkat 10 besar di Pangean. Tahun kini, bisa manjadi ancaman juo bagi jaluar lain. Sobab, turun mandi ajo bisa berprestasi, apolagi bakoriangan satahun.
Salain di kenegerian Toluak, banyak juo jaluar nan kan berprestasi di Kuantan Tengah. Macam daerah Kari, Kopah. Duo nagori ko langgananan masuak hari final do setiap gelanggang ma.
Lupo ciek, jia Hengki, jaluar nan akan manjadi momok dari kenegerian Toluak, adolah jaluar dari Desa Sawah. “Kalau diliek anak pacu, bajibun pamacu andalan lahiar dari siko ma. Ambo yakin, kalau diadokan pacu jaluar tahun ko, Kuantan Tengah bajaya,” jia Hengky.(yas)
