TELUKKUANTAN (RIAUPOS.CO)- Ado raso kacomesan masyarakat Kuansing kotu pambukaan Porprov Riau X nan akan balangsuang pado tanggal 12 November 2022 isuak.
Sobab, salain acara pambukaannyo malam, cuaca di Kuansing babarapo hari balakangan kodok ujan malam. Sahinggo, kalau ujan, ado kesan acaranyo idak mantap.
Manuruik agenda, pembukaan Porprov Riau X akan dilangsuangkan di stadion Sport Center Kuansing malam hari. Iko akan mangumpuakan urang banyak.
"Dek malam acaranyo awak was-was. Kalau malam, hari ujan lah jole sagalo urang barobuik mancari tompek nan todua. Bayangkan puluhan ribu urang barobuik tompek todua," kecek salah sorang warga Kuansing banamo Hendri kotu maota dengan Riau Pos, Rabu (9/11).
Mako dari itu, panitia dan Pemkab Kuansing harus manyiapkan tenda-tenda diluar atau didalam stadion. Iko untuak manjago-jago kalau ujan turun katiko acara balangsuang.
"Kalau doa awak, jan sampai ujan. Kalau parolu banyak an pawang ujan a. Awak samo obe nye. Kini ampia tiok malam ujan," kecek Hendri.(yas)
